出生于：1970年
所在地：香港-香港
我手塑我心
加入workshop既第一日,無諗過自己會係咁鍾意雕塑. 而家只要有一個星期番唔到workshop, 生活就好似少左啲野. 係某些人眼中, 呢樣係無聊, 唔賺錢, 嘥時間, 唔知做乜既野. 於我黎講, 佢係另類, 充滿技術, 智慧, 經驗同天份既結晶. 由揑塑,複模, 複模, 再複模, 並唔係press個enter咁簡單; 內裡所要既時間, 精神, 心機, 堅持, 堅毅, 其他人既經驗同天份, 唔係你話要做就做到. 我萬分感謝上天賦予我藝術上既天份, 令我起步時不至一敗塗地而放棄, 亦感謝上天令我在適當時候遇上”金與土”, 早一分, 遲一秒, 都可能做就不了今日既我. 由零到完成品, 當中過程及滿足感非筆墨所能形容. 那份看見作品既充實感, 令我完全忘記過程中所付出的一切, 然後再投入另一個旅程. 雕塑係透過不同媒介去演繹內心世界. 你睇得明我會appreciate, 唔明我都唔care. 課堂上既喜樂, 亦不是非參與者所能領悟, 文sir既教學方式, 令我除了雕塑, 對紅酒及飲食既眼界亦擴闊了, 多謝晒!!
今次係我第2次參展, 上次並唔滿意, 迫於無奈局住去. 今次時間充足, 希望唔會丟文sir假. 我對做人體有種莫明既迷戀, 覺得佢好靚, 可能度行唔夠, 人體比較易於表達. 不過都唔係話想做就做到, 你估揑人體咁易, 完全係靠想像, 畫完圖就揑, 真係我手塑我心. 我中意靚既野, 短暫唔緊要, 好似蝴蝶既生命; 短; 但靚同燦爛就OK, 所以我將兩樣我認為靚既野做成一系列. 萬千世界變化多端, 只要拿到重心, 便可揑出無窮無盡既作品. 人同蝴蝶, 會係我暫時必用既課題.
襯番今次展覽其中一句slogan ”100%金與土於坳背山上千錘百鍊之原創/100% made in Hong Kong”, 我用呢段又中又英又白話, typical既港式文字, 同你分享一下我既感受.
寶
